Orientazio Saila

"Denok ezberdinak gara, ikasteko eran, pentsatzeko eran edo gure ohituretan soilik. Gure helburu nagusiena, ezberdintasun horietaz baliatuz, ikasle bakoitzak pertsona bezala duen potentziala osoa garatzea izango da."

Maite Gascón. Orientatzailea

Orientazio Mintegia laguntza tresna bat da, eskolako egunerokotasunean integratuta dagoena eta ikaslearen heziketa integrala bermatzeko aurrera eramaten diren ekintzekin bat datorrena. Eta bide batez, hezkuntza premia bereziak dituzten ikasleentzat ikasketa prozesuaren egokitzapena gauzatzen lagunduko du, eskolaren aniztasuna gizartearen aniztasunaren lagina besterik ez delako.

Ondorioz, tutoretza eta orientazio ekintzak bultzatzea eta koordinatzea da Orientazio Mintegiaren xedeetako bat, hezkuntza prozesuan parte hartzen duten hainbat sektoreak aholkatuz. Hezkuntza komunitate osoaren zerbitzura egon nahi du orientazio akademiko-profesionalak heziketa doitu  eta integral baterako bidea izanik,  IKASLE GUZTIAK pertsona arduratsu, kritiko eta konprometitu bat izatea lortzea Ikastetxeko Berezko Izaeraren adierazgarri delako.
Orientazio Mintegiaren eginkizunak:

  • -  PREMIEN DETEKZIOA: Denok era ezberdinean ikasten dugulako eta ezinbestekoa da jakitea nondik abiatzen den ikasle bakoitza.
  • BALIABIDEEN BILAKAERA:  Ikasle bakoitzari egokitzen lagundu diezaiekegun material eta metodologia ezberdinak daude eta hauek aurkitzea izango da gure ardura.
  • BANAN-BANAKAKO ARRETA: Bai laguntza gelatik eta baita orientazio bulegotik kasu bakoitzean behar den errefortzua emanez.
  • JARRAIPENA: Bai irakasleei eta baita familiei aholkua ematen diegu eta beharrezkoak diren errefortzuak eskaintzen dizkiogu.
  • ORIENTAZIO AKADEMIKOA: Bereziki Bigarren Hezkuntzan.
  • BESTE PROFESIONALEKIN KOORDINAZIOA: Elkarlana eta estrategiak elkarbanatzea oso garrantzitsua dela ulertzen dugulako.
  • -  BIZIKIDETZAREN HOBEKUNTZA: ADOS Bizikidetza Positiboaren Plan-a egiten eta aurrera eramaten lagunduz.

Orientazio Taldea:

  • Natalia Aguirre: PT (Pedagogia Terapeutikoa Irakaslea)
  • Enara Zarra: PT (Pedagogia Terapeutikoa Irakaslea)
  • Maite Gascón: Orientatzailea

ADOS bizikidetza positiboko eta eskola-jazarpenaren prebentzioko programa da.

Urte askotako esperientzia izan ondoren, elkarbizitza bultzatzeko hainbat jarduera eta tresna erabili ditugu, gure programa garatu dugu.

Giro ona eta ingurune orekatua sortzea ezinbestekoa da edozein ikaskuntzarako.

Ziurtagiriak

En el Colegio Jesuitinas Donostia Ikastetxea utilizamos cookies propias y de terceros para asegurarnos que todo funciona correctamente. Para más información visita nuestra política de cookies. Puedes aceptar todas las cookies pulsando el botón "Aceptar" o personalizar tu elección haciendo clic en CONFIGURAR O RECHAZAR SU USO.