Etorkizuneko pertsona gaituak izateko asmoz, gure ikasleei kalitatezko hezkuntza eskaintzen diegu, egungo gizartean aktiboki eta arrakastaz jokatzeko beharrezkoak izango dituzten ezagutza, gaitasun eta baloreak bereganatuz.
Inguratzen gaituen errealitatea ulertu eta aldatzeko, hiritar jakintsuak, kritikoak eta biharko egunean profesional apartak izateko lantzen ditugu EZAGUTZAK. Teknologiak eta komunikazioak eskaintzen dizkiguten aukerak aprobetxatuz, mundura jauzi egiteko eta besteekin kooperatiboki jarduteko lantzen ditugu KONPETENTZIAK. Gizarte tolerante, solidario eta demokratikoa sortzeko lantzen ditugu BALOREAK.
Jesuitinas Donostia ikastetxea IB zentro bat da, hau da, 0 eta 18 urte bitarteko Nazioarteko Batxilergoa® irakasten duen ikastetxea gara: Lehen Hezkuntzako Programarako (PEP, 3-12 urte) zentro eskatzailea eta Diploma Programa (DP, 16-18 urte) indarrean dugu*.
IB Munduko Ikastetxeek Jesuitinasen printzipioekin bat datorren filosofia partekatzen dute, bai irakaskuntzaren eta ikaskuntzaren ikuspegietan, ikasleen profiletan, gizarteari zerbitzuan, mundu hobeago baten aldeko konpromisoan, nazioarteko hezkuntza zorrotzean eta kalitatean.
* Solo los colegios autorizados por la Organización del IB pueden ofrecerlo.
Gure ikasleen ikasketa integrala eta esanguratsua izan dadin metodologia berritzaileak erabiltzen ditugu, betiere elkarbizitza positibo batean oinarrituz: paletak, PBLak, eLearning, lehiaketetan parte hartzea, eta bestelako jarduerak.
Ikasleen eguneroko bizitzara gerturatzen gara, eta haien arazo nahiz egoera erreal edo hipotetikoak erabiliz sormena lantzen dute, mapa kontzeptualak eraikitzen dituzte, eta oinarrizko gaitasunak eta hainbat adimen garatzen dituzte.
Gure ikasleek, pertsona guztiek bezala, euren indarguneak eta ahuleziak dituzte eta hori kontuan hartzen dugu jarduera anitzak diseinatzeko eta burutzeko, eta behar handieneko arloak indartzeko. Ongi pentsatzen irakatsi behar diegu, euren pentsamendua agerikoa izan dadin eta etorkizuneko gertaeretarako presta daitezen; horretarako, pentsamenduaren errutinak eta trebeziak lantzen ditugu.
Adimen anitzei buruzko informazio gehiago.
Egungo gizarteak dituen beharrei egoki erantzuteko asmoz, hezkuntza eta ikasketa berrikuntzak ezarri ditugu ikastetxean. Teknologiari dagokionez, metodologia aldaketa nabarmenak izan ditugu: DBHko 1. mailatik hasita “1 X 1 proiektua”n lan egiten dute ikasleek (Chromebook-ak erabiliz), programazio eta material didaktikoa erabiltzen dute, ikus-entzunezko lehiaketetan parte-hartzen dute… Horrela, DBHko gure ikasleek gaitasun digitalari dagozkion gaitasunak osotasunean bereganatzen dituzte.
Gertuko eta urruneko errealitateari aktiboki begiratzea guztion ardura da. DBHko ikasleengan izaera kritikoa sortzea da gure lana, eta horretarako, giza-egoera konplexuak bizitzen eta sentitzen dituzte. Ekintza solidario askoren artean, boluntario aritzen dira gure ikasleak, eta horrela, gaitasun-sozialak garatzeaz gain, esker ona eta garapen pertsonala bereganatzen dituzte.
Batetik, zientzia, teknologia, ingeniaritza eta matematika Artearekin eta Humanitateekin lotuta bateratzen dituen, eta ikasleen oinarrizko gaitasunak, zeharkakoak zein diziplinakoak garatzen dituen eta, bestetik, ikasleak gure gizartearen erronkei erantzukizunez aurre egiteko ahalduntzen dituen hezkuntza da.
Euskara dugu oinarri, eta bertatik abiatuz, ikasle eleanitzak heztea dugu helburu. Izaera kritikoa izatea nahi dugu, eta horretarako, ekintza komunikatiboak burutzen ditugu: ulermena eta adierazpena idatzizko zein ahozko testuen bidez lantzen ditugu. Etaparen azken ikasturtean, azterketa ofizialak egiteko prestatzen ditugu (Euskara, Ingelesa eta Frantsesa).
Etapa amaituta, ikasleek honako titulu hauek lor ditzakete:
| EUSKARA | INGELESA | FRANTSESA |
|---|---|---|
|
Hizkuntza Eskola Ofizialeko B1 eta B2 mailak. |
Hizkuntza Eskola Ofizialeko B1, B2 eta C1 mailak. |
DBH 1.mailan hautazko irakasgaia da. Hizkuntza Eskola Ofizialeko A2 maila. |
Nazioarteko programa eta lehiaketetan parte hartzen dugu ikasleek egiazko egoeretan hizkuntzak erabil ditzaten. Euren hizkuntza gaitasunak garatzeko asmoz, ikuspegi interatibo batetik sortutako egitasmoak dira, eta horien bitartez, laguntasuna eta giza harremanak bultzatu nahi ditugu eta ikasleak euren ikaskuntzaren protagonista izatea nahi dugu.
Ikastetxean gure sukaldari eta sukaldea ditugu, eta jangelan zerbitzatzen den janaria bertan egina da. Elikadura anitza eta osasungarria dugu. Ikasleen alergiak eta intolerantziak kontuan hartuz, ikasle bakoitzaren beharrizanetara moldatzen dira menuak.
Adin honetan lagun taldeak egundoko garrantzia du. Kirola praktikatzea osasunerako onuragarria izateaz gain, talde izaera, errespetua… lantzen dira. Horren garrantzitsuak diren baloreak sustatu nahian, gure ikasleak eskolaz kanpo egiten diren kirol zein kultura ekintzetan parte hartzera bultzatzen ditugu.
DBHko ikasleentzat eskola garraioa zerbitzua eskaintzen dugu. Horrez gain, ikastetxearen kokagunea dela eta, erraztasun handia dugu garraio publikoan mugitzeko.
DBHko ikasleek euren eraikin propioa dute. Bertan, gela digitalak, informatika-gela, laborategi, tailer, ikus-entzunezko areto… dituzte.
